Ish-banori i Big Brother Vip Albania 1,
këngëtari Valon Shehu, mësohet se është arrestuar nga Policia e Kosovës për posedim të lënëve narkotike, kokainë.
Sipas raportimeve nga mediat rozë, Valoni është arrestuar në orët e para të mëngjesit të sotëm në rrugën “Gasper Karaqi”, në Gjakovë.
Thuhet se muzikanti dhe kitarist nga Gjakova fillimisht u ndal nga Policia për kontroll dhe verifikim, pasi kishte kryer kundërvajtje në trafik, por më pas i është gjetur një sasi e substancës narkotike, e llojit kokainë.
Droga është sekuestruar si provë materiale, raporton Sinjali.com, ndërsa këngëtari është shoqëruar në polici për tu marrë në pyetje.
Ndaj tij, Prokurori i Shtetit ka urdhëruar masën e ndalimit policor dhe inicimin e rastit për veprën penale “Posedim i paautorizuar i narkotikëve, substancave psikoterapie ose analoge”.
Kujtojmë se pjesëmarrja e tij në BBV 1 ishte komentuar mjaftë shumë, sidomos deklaratat e tij bombastike, e sjelljet shpeshherë të çuditshme.
Për aq sa kishte qëndruar në shtëpinë e monitoruar 24/7 nga kamerat, Shehu kishte vendosur që dushin ta bënte i zhveshur.
