Një 72-vjeçar ka humbur jetën në një aksident automobilistik në Sarandë.
Ngjarja e rëndë ndodhi rreth orës 03:45, në aksin rrugor Sarandë-Tuneli i Skërfices, në afërsi të rrethrrotullimit të fshatit Bajkaj.
Këmbësori Luan Xhuvani 72-vjeçar u përplas nga një automjet tip “Benz”, që drejtohej nga një 63-vjeçar.
Ky i fundit, dyshohet se humbi kontrollin e makinës, duke përplasur edhe një automjet tjetër.
Si pasojë e aksidentit, 72-vjeçari ka ndërruar jetë gjatë transportit për në spitalin e Sarandës.
Drejtuesi i automjetit, 63-vjeçari u shoqërua në komisariat për veprime të mëtejshme.
