Romeo Veshaj dhe Heidi Baci janë dy nga personazhet më të përfolur të momentit, veçanërisht pas thashethemeve se ata mund t’i kenë dhënë fund romancës së tyre.
Historia e tyre e dashurisë nisi gjatë kohës që të dy ishin pjesë e “Big Brother VIP Albania 3”, por duket se lidhja mes tyre ka arritur në një udhëkryq.
Spekulimet për një ndarje të mundshme nisën pasi Heidi nuk bëri asnjë urim publik për ditëlindjen e Romeos, gjë që ka ngjallur dyshime mes ndjekësve të tyre dhe ka ndezur thashethemet në rrjet.
Në një botë ku çdo detaj publik merret si një shenjë e rëndësishme, mungesa e një urimi nga Heidi u përkthye nga shumë si një tregues i një krize në marrëdhënien e tyre. Dhe ndërsa rrjeti zien me teori dhe aludime, Heidi duket se po qëndron larg vëmendjes publike.
Ajo nuk ka postuar asgjë në rrjetet sociale për një periudhë kohe, duke lënë ndjekësit dhe fansat të pyesin se çfarë po ndodh në të vërtetë. Postimi i saj i fundit është në 1 gusht.
Heshtja e saj i ka shtuar “benzinë zjarrit”, duke lënë të gjithë të presin një reagim të mundshëm nga ana e saj për të sqaruar situatën.
Ndërkohë, as Romeo dhe as Heidi nuk kanë komentuar publikisht për aludimet e fundit.
Vetëm koha do të tregojë nëse kjo është një periudhë e vështirë për çiftin, apo thjesht një periudhë qetësie nga mediat sociale.
