Banores së “Big Brother Vip Kosova”, Ana Ejupit, i është kërkuar të lërë shtëpinë, pasi familjarët e saj kanë njoftuar se nëna e saj nuk është në gjendje të mirë shëndetësore.
Siç kanë deklaruar familjarët, nëna e Ana Ejupit nuk e sheh dot atë brenda atij “reality-shoë” dhe kanë kërkuar që ajo të largohej.
Mirëpo Ana refuzoi të dalë nga shtëpia duke i kërkuar produksionit se nëse gjendja shëndetësore e nënës së saj përkeqësohet, ata ta informojnë.
“Unë do të doja ta vazhdoja lojën time këtu brenda, por dua të më informoni për gjendjen shëndetësore të nënës time,” u shpreh Ana.
Më pas ajo mori një telefonatë nga motra e saj e cila i komunikoi se familjarët nuk ishin dakord për raportin e Anës me Kevin, një tjetër banorë që ajo ka filluar të jetë më e afërt.
“Ne të duam me zemër, që ti me vazhdu lojën, me tregu çfarë vajze je me na bërë krenarë të gjithëve. Nuk ke nevojë për ndihmën e askujt”, ka thënë ajo.
