Në spektaklin e mbrëmjes së sotme, duket se debatet nuk kanë munguar. Jo vetëm mes banorëve por dhe me opinionistë-banorë.
Ka qenë opinionistja Olta Gixhari që e pyeti Arian se si iu duk vetja në klipin e saj bashkë me Gresën, një video e cila përfshin një gjuhë degraduese, plot ofendime dhe debate të ashpra mes dy vajzave.
Në këtë kontekst, Olta theksoi shqetësimin e saj për sjelljen e Arian, duke e quajtur atë të histerike.
“Unë pashë në atë video që ti e ke ofenduar dhe bullizuar Gresën. Mendoj se deri tani, ti je bullizuesja më e madhe në këtë shtëpi,” deklaroi Olta.
Madje, në një moment të diskutimit, Olta shprehu mendimin e saj si opinioniste, duke thënë se po të ishte “Vëllai i Madh”, Arian do të ishte përjashtuar menjëherë nga emisioni për sjelljen e saj.
