Ersild Ishmi, ishte një nga viktimat i cili gjeti vdekjen nga plumbat e armës së vëllezërve Frroku, Eduart dhe Gëzim Frroku.
Ishmi, së bashku me kunatin e tij (burrin e motrës), Arsid Hoxhën, shkuan mbrëmjen e djeshme në hotelin “Holiday”, në Velipojë, në pronësi të dy vëllezërve Frroku ku dhe u vranë nga këta të fundit.
Lidhur me këtë ngjarje të rëndë ka reaguar edhe këngëtarja e njohur Eli Malaj, e cila mësohet se ka njohje me dy familjet, Hoxha dhe Ishmi.
Në llogarinë e saj në “Instagram”, Malaj ka postuar një foto të së ndjerit, Ersild Ishmi teksa bën me dije se ai ishte babai i dy fëmijëve të mitur.
Ndër të tjera këngëtarja u shpreh ngushëllime dy familjeve për dy humbjet e mëdha dhe shton
se ikja e parakohshme e tij të cilin në familje dhe shoqëri e thërrisnin “Ardis”, ka lënë “zemërthyer” të gjithë ata që e deshën.
“Nje Nane e Babe mbeten pa djale , Nje nuse pa bashkeshort.. e dy femi pa Babe ..
familjar e shoqni me zemer te thyme , ku po shkon kjo rini ,lamtumire Ardisi jone ..qofsh mire me Zotin ???? Ngushellimet e mia familjes Ishmi”, shkruan këngëtarja.
