Rreth orës 02:10, në lagjen ‘Zogaj’ në Shkodër, një zjarr përfshiu një banesë,
duke shkaktuar vdekjen e pronarit 52-vjeçar.
Sipas informacioneve policore, zjarri ra aksidentalisht.
“Rreth orës 02:10, në lagjen ‘Zogaj’, dyshohet se aksidentalisht ka rënë zjarr në banesën e shtetasit
J. Ç., 52-vjeç, e cila është djegur plotësisht. Si pasojë e zjarrit,
ka humbur jetën shtetasi J. Ç, ndërsa bashkëshortja e tij ka mundur të dalë nga banesa pa pësuar dëmtime nga zjarri.
Grupi hetimor nën drejtimin e Prokurorit po punon për përcaktimin e shkakut të rënies së zjarrit.
