Meteorologu i Meteoalb, Hakil Osmani
tha në një intervistë për “Good morning Albanians”
se e hëna dhe e marta e kësaj jave do të mbeten në mbizotërimin e vranësirave të shumta.
Osmani tha se priten gjithashtu rrebeshe.
“Nga dita e mërkurë dhe në vijim do të kemi përmirësim të kushteve të motit duke bërë që ditën e premte të kemi alternime kthjellimesh dhe vranësirash,” – u shpreh Osmani.
Sipas tij temperaturat do të vijojnë me rënie, ndërsa nga e enjtja do të ketë përsëri një rritje.
Sidoqoftë, meteorologu sqaroi se moti do të jetë tipik për tetorin.
