Ilnisa Agolli është një nga banoret më të përfolura të këtij sezoni BBV.
Ndonëse tashmë jashtë shtëpisë, emri i saj vijon të jetë mjaft i përmendur në rrjet,
media e gjithashtu edhe brenda shtëpisë, ku banorët dhe kryesisht partneri i saj, Meritoni e përmendin dhe flasin vazhdimisht për të.
Së fundmi Ilnisa ka ndarë një postim në Instastory, ndërsa rrjeti po mendon se mund të ketë të bëjë me një rikthim të saj në BBV.
“Më thanë merr valixhet, fut rrobat dhe eja se do të shkojmë në një vend shumë të bukur…” –
dëgjohet të thotë gazetarja teksa ndodhet brenda një makine.
Ndonëse mund të bëhet fjalë edhe për ndonjë udhëtim të Ilnisës, rrjeti ka nisur të mendojë se ajo do të bëhet sërish pjesë e shtëpisë.
Aludime të tilla janë ngritur edhe për Ledjonën, pas postimit të saj të fundit, ndërsa na mbetet të presim nëse një muaj para finales, do të kemi një rikthim të formulës së vjetshme.
