Pak ditë më parë qarkulloi lajmi se Arbana Osmani pati përplasje të forta me drejtueset e
“Top-Channel”, gjë që solli largimin e Arbanës nga moderimi i BBV, punë të cilën e ka bërë ndër vite.
Sot, Arbana ka hapur restorantin e ri “Bana’s” te “Piramida”, gjë që Arbana e lajmëroi zyrtarisht dje përmes një postimi në Instagram,
ku lajmëroi gjithashtu se sërish do të jetë në ekran, pa dhënë detaje nëse do të jetë me BBV apo ndonjë program tjetër.
Ndërsa, Arbana njoftoi hapjen e restorantit, mes shumë reagimesh nga miq e kolegë, sytë tanë ishin te reagimi i Sara dhe Lori Hoxhës, nëse do të reagonin për projektin e ri të Arbanës.
Dhe po, motrat Hoxha kanë reaguar.
Sara ka komentuar në postimin e Arbanës, ndërsa Lori pak më e “ftohtë” në reagimin e saj, ka vendosur të pëlqejë postimin e moderatores.
Pra, edhe nëse ka pasur vërtet tensione mes vajzave, duket se ato tashmë në një farë forme janë zgjidhur, ndonëse reagimi i Lorit me vetëm një pëlqim, lë ende vend për pikëpyetje.
